Sad Love Poetry On Girl, Ghazal

An kahi bat an kahi kab thi
Itni purshor khamshi kab thi

zabat hi barh gya tha kuch apna
Warnh i dard mein kami kab thi

Khud se milny ko dhondhty khud ko
Itni masroof zindgi kab thi

Main ne aankhen jala k rakhi then
Teri rahon mein roshni kab thi

chand lipta tha kab udasi mein
Itni tareek chandni kab thi

Us ne kati kahan shab-e-furqat
Us ko hijran se agahi kab thi

Yeh karishma hai is mohabbat ka
Nind aankhon mein jagti kab thi

Sad Love Poetry On Girl

 Us ki har ik duaa meri khatir
Aor kuch rab se mangti kab thi

Uski palkon ke nam se pochon ga
Akhri bar woh hansi kab thi

Mujh ko chahy keh bhool jaey mujy
shart yeh itni lazmi kab thi

Dil ka kehna keh jo hoa so hoa
Aankh yeh bat manti kab thi

Is ka har khawab wasal mein bheega
woh judai pe sochti kab thi

un ko choo kar dekhna tha kabhi
woh to aansoo the shairi kab thi

Dharkanen sur mein dhal gaen hon gi
Itni pursoz bansuri kab thi

Jaan Atif teri mohabbat par
Waqt ki gard bhi jami kab thi

اگست 27, 2018